Respetu pa los profesionales

Un soldador quisiera
facer de fierru los suaños
pero suelda tuberíes
pa que nun fugue ni un gramu

Un axustador quisiera
poner en hora reloxes
pero axusta les turbines
pa que rueden bien reondes

Ellos fainlo
non porque querian
fainlo porque lo necesitamos

Un poeta quisiera
facer arte por facer arte
y de fechu, anguañu
failo

Pero ¿úla ayuda a los demás?
l'arte burgués
ye un engañu

Fainos falta que los poetas
vuelvan a la so misión
que nun ye otra que
salvar el mundo.

Precisamos profesionales
que la cosa ye mui seria
y nun queda tiempu