Bautizando piedres

... que les piedres precisen nome.

L'aire blanco y mariello brillante de la ciudá ye mineral. Mineral porque inerte. Mineral porque frío. Mineral porque mudo. Mineral porque muerte (ye que rimaba). Mineral porque siempre (tamién rima) ye aire, y non fuelle.

Per otru llau, y abundando, los cuerpos qu'andando el suelu desprecien (porque lu ignoren) mienten. Más qu'anden, y fieden, a sunormales deformes que nun los merecen. Colo cariñosos que son los sunormales... San Fedro l'aposdata!!!! baxa y castiga y latiga y humilla a los que te ofienden!!!! que naide foi nunca obreru'n Gradefes!!!!! Pica, cabrón, la piedra qu'esiste. La piedra. Pica. Cabrón. Y la povisa de branu que'l picu restalla y les ñarres enguada y alliña (como na infancia les piedres domabes y los cascoxos y les camparines y l'herba y too na infancia y les ñarres, aquel golor (derivo)) fadrate pupa jódete!!!! los polmones de sangre y esputo sangrín. Poco a poco, eso sí. Y la ferviella sedrá reina de la to vieyera impotente y blanda y mierda y desfalleces. La tummmmmmmba. Por fin. Putos guxanos blancos y gordos, nun callarán ni un minutu (cuando acabemos, dicen los blancos)(los güesos reposen por fin ena madera seco de pino y caliente porque la tierra qu'esiste (igual que la piedra) y qu'arrodia la caxa ye madre, ye la primera qu'hebo cuando la guerra. Señora del dulce golor. Podrizu. La guerra. La vida. La compañera.